DIERESORG REGISTRASIEVELDTOG SPERDATUM IS 15 NOVEMBER 2024

Geagte Aandeelhouers en Inwoners,

DIERESORG REGISTRASIEVELDTOG SPERDATUM IS 15 NOVEMBER 2024

Opsomming : Eerskomende Vrydag, 15 November 2024, is die sperdatum vir die registrasie van honde (en ook binnekort die inplanting van mikroskyfies waar nodig).

Met verwysing na kennisgewing 156/2024, gedateer 21 Oktober 2024, hiermee ‘n vriendelike herinnering dat die sluitingsdatum vir die registrasie van honde hierdie komende Vrydag, 15 November, is.

Ter herinnering: die registrasie van honde is verpligtend op woonerwe waar die aantal honde die maksimum toegelate getalle oorskry. Hierdie getalle is as volg:

Woonerwe tot ‘n maksimum van 1000 vierkante meter: Maksimum van 2 honde

Woonerwe van meer as 1000 vierkante meter: Maksimum van 3 honde

Indien u dus meer honde aanhou as bogenoemde maksimum, is dit belangrik dat u asseblief die registrasievorm op die onderstaande skakel invul vir elke hond op u woonerf. Versuim om dit te doen, mag lei tot die ophef van boetes. Indien u baie troeteldiere aanhou en bekommerd is oor die koste van die mikroskyfies (Φ115 elk), kan u gerus met ons in verbinding tree sodat ons reëlings kan tref om u diere oor ‘n paar maande in te plant om die koste te versprei. Ons doen egter steeds ‘n beroep op inwoners om die registrasievorm te voltooi ten einde boetes te voorkom.

Die registrasievorm kan by die dorpskantoor se ontvangs verkry en per hand ingevul word, maar is ook beskikbaar by hierdie skakel: $ Registrasievorm$ 

Onthou ook dat indien u minder honde aanhou as die maksimum toegelate aantal, u steeds welkom is om die vorm in te vul en u diere met mikroskyfies te laat inplant vir gemoedsrus. Hou in gedagte dat die inplant van mikroskyfies by alle honde mettertyd verpligtend gaan word, ongeag die hoeveelheid honde wat u op u erf aanhou, so dit is eintlik ‘n goeie idee om dit eerder vroeër as later te doen.

Baie dankie vir die samewerking.

Vriendelike groete,

Arno Lambrechts

Afdelingshoof: Gemeenskapsdienste