‘N BUITESPAN VAN VODACOM IS TANS BESIG OM ‘N TYDELIKE SEINVERSTERKER IN ORANIA OP TE RIG

078/2026

18 Junie 2026

Geagte Oraniërs,

‘N BUITESPAN VAN VODACOM IS TANS BESIG OM ‘N TYDELIKE SEINVERSTERKER IN ORANIA OP TE RIG

Opsomming : Daar is tans, na vooraf oorweging deur ‘n arbeidspaneel, ‘n buitespan van Vodacom wat besig is om ‘n tydelike seinversterker in Orania op te rig.

Inwoners moet asseblief daarop let dat ‘n span van Vodacom (wat nie almal Afrikaners is nie) tans in die nywerheidsgebied, aangrensend aan die CVO-skool se gronde, besig is om ‘n tydelike seinversterker op te rig. Hierdie versterker is nodig om aan die behoeftes van volgende week se Winterspele te voldoen, sodat die verhoogde aanvraag nie die gehalte van die diens wat ons voltydse inwoners tans ontvang, nadelig beïnvloed nie.

Hierdie situasie is vooraf onder die aandag van ‘n arbeidspaneel gebring, en ná oorweging is bevind dat daar nie ‘n werkbare alternatief gevind kon word nie. Soortgelyk aan die situasie met onderhoudswerk aan bestaande permanente telekommunikasiestrukture in Orania, is dit op hierdie stadium ongelukkig nog nie moontlik vir ons eie mense om daardie funksie te verrig nie.

Die tydelike seinversterker sal in die week ná die Winterspele weer deur hierdie buitespanne verwyder word.

Vriendelike groete,

Burger Lambrechts
Orania Dorpsraad – Kommunikasie

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/