SKRAAP VAN GRONDPAAIE

032/2026

20 Maart 2026

Geagte Oraniërs,

SKRAAP VAN GRONDPAAIE

Opsomming : Daar is tans meganiese probleme met die padskrapers wat gewoonlik in Orania gebruik word, wat die skraap van die paaie (en die vordering met die servituutpad) met enkele weke vertraag.

Ons wil graag alle inwoners laat weet dat ons nie van die skraap van die dorp se grondpaaie vergeet het nie.

Ons ervaar tans groot uitdagings weens meganiese probleme met al drie die padskrapers wat ons gewoonlik huur om die skraapwerk mee te doen. Die vertragings het ook ’n negatiewe impak op die vordering met die servituutpad. Dit wil blyk dat ons ten minste nog twee tot drie weke sonder ’n padskraper sal wees.

Intussen is ons besig om met maatskappye buite Orania te onderhandel om ’n masjien te huur, wat natuurlik aan ons arbeidsbeleid sal moet voldoen.

Vriendelike groete,

Andre van Heerden
Hoof : Ingenieursdienste

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/