PLAASBRAAI IS OP 31 MEI 2025

078/2025

15 April 2025

Geagte Aandeelhouers en Inwoners,

PLAASBRAAI IS OP 31 MEI 2025

Opsomming : Die Plaasbraai vind hierdie jaar op 31 Mei reeds plaas, terwyl die res van die Karnaval in Oktober gebeur.

Hierdie jaar sal die vierde keer wees dat die Karnaval Plaasbraai aangebied word, maar daar is vanjaar ’n belangrike verandering in die datum. Hoewel die Plaasbraai steeds deel vorm van die Orania Karnaval, gaan dit hierdie keer op ’n aparte datum plaasvind, naamlik Saterdag, 31 Mei – Bittereinderdag.

Volg asseblief die volgende skakel om ‘n video te kyk waarin die Plaasbraai van 2025 meer breedvoerig bespreek word. $ https://youtu.be/ZoRz6cYYti0$

Kaartjies is nou reeds aanlyn beskikbaar by $ https://oraniakarnaval.co.za/$ $ $ , of by die Orania Poskantoor. Pryse is Φ40 vir laerskoolkinders en Φ60 vir volwassenes. Die hekke open om 15:00 en ons gaan begin opskep net voor 18:00. Kom kuier saam met ons en geniet goeie geselskap, goeie musiek, lekker pret vir oud en jonk en in besonder smullekker A-graad vleis direk vanaf die spit.

Ons gaan binnekort begin om ook inligting oor die res van die Karnaval te deel. Daar is baie om na uit te sien en ons beplan om vanjaar ’n paar GROOT items aan te bied wat nog nooit tevore in Orania gesien is nie.

Vriendelike groete,

Arno Lambrechts
Karnavalmeester

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/

Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/