Korporatiewe Dienste
Korporatiewe & Finansiële afdeling
Ons bou die stad!
Orania Dorpsraad se Korporatiewe en Finansiële Afdeling skakel met alle afdelings binne die Orania Dorpsraadgroep, wat vier maatskappye insluit:
- Orania Aandeleblok (RF) (Edms.) Bpk., wat die moedermaatskappy is.
- Orania Infrastruktuur (Edms.) Bpk., wat ‘n volfiliaal is van die moedermaatskappy.
- Orania Veiligheidsdienste (Edms.) Bpk., wat ‘n volfiliaal is van die moedermaatskappy.
- Orasol (Edms.) Bpk., waarvan Orania Infrastruktuur (Edms.) Bpk. die meerderheidsaandeelhouer is met 60% van die uitgereikte aandele.
Die Korporatiewe en Finansiële Afdeling behartig hierdie entiteite se dag-tot-dag boekhouding en skakel nóú met elke afdeling binne die groep. Die afdeling word bestuur deur ‘n span van ses personeellede wat soos volg saamgestel is:
- Hoof: Korporatiewe Bestuur
- 1 x senior rekeningkundige beampte
- 1 x junior rekeningkundige- en salarisbeampte
- 1 x debiteureklerk
- 1 x poskantoorbeampte
- 1 x ontvangsbeampte (vir die hele groep)
Janneman Roux
Departementshoof
Korporatiewe & Finansiële afdeling
Verantwoordelikhede:
– Finansiële bestuur
– Begrotingsbeheer
– Inligting en stelselbeheer
– Voorraadstoor
– Korporatiewe ondersteuningsdienste en projekbestuur
– Risikobestuur
Finansiële Funksies
Finansiële funksies sluit in, maar is nie tot die volgende beperk nie:
- Verwerking en uitstuur van maandelikse diensterekeninge t.o.v die aandeleblokke
- Bestuur van debiteure en krediteure
- Verwerking en uitstuur van infrastruktuurprojekfakture t.o.v. nuwe ontwikkelings en veranderings aan bestaande aandeleblokke se dienste
- Verwerking en uitstuur van kommersiële veiligheidsdienstefakture wat grootliks geskoei is op kameramonitering
- Ad hoc-fakturering t.o.v. diverse en administratiewe dienste gelewer, soos onder andere oordragte van aandeleblokke, diverse tegniese dienste, bouplanaansoeke, advertensiebordaansoeke, om maar net ‘n paar te noem
- Opstel en uitvoer van die verskillende afdelings en maatskappye se begrotings
- Maandelikse terugvoer aan verskeie direksies i.v.m. maandelikse vorderingsverslae en die lewering van kommentaar oor hoe die verslae vergelyk met die goedgekeurde begrotings
- Voorbereiding van jaarlikse finansiële syfers vir die opstel van finansiële jaarstate met die oog op voorlegging aan aandeelhouers en belanghebbendes
Korporatiewe Funksies
Korporatiewe funksies sluit in, maar is nie tot die volgende beperk nie:
- Bestuur van die groep se uitgebreide vaste bates en die gepaardgaande versekeringsportefeuljes
- Menslikehulpbronbestuur
- Voldoening aan algemene finansiële praktyke, soos vereis deur verskeie statutêre liggame
- Ondersteuning van die hoof- uitvoerende beampte en maatskappysekretaris
- Bestuur van die streeksposkantoor
- Hulpverlening met die reël van gemeenskapsgeleenthede soos die Orania Karnaval en Lente-Regruk
Die Korporatiewe en Finansiële Afdeling word gebou op goeie en deursigtige finansiële en korporatiewe bestuur. Die afdeling is geskoei op integriteit, etiese waardes en die deurlopende verbetering van dienslewering tot voordeel van aandeelhouers en Orania-inwoners.
