Eiendomsagente se bemarkingstaal

voorstelle

Eiendomsagente se bemarkingstaal

Deel al die plaaslike eiendomsagenstskappe ons passie / beginsel om 'n tuiste vir Afrikaners te wees? 'n Enkele agentskap bemark soms in engels. Ons sien dit as uiters onvanpas en verloënend. Kan hulle asb aangespreek word? (Ons glo dit is moontlik, aangesien besighede by die Dorpskantoor geregistreer is, die OAB 'n Christen Afrikanervisie het, en bg nie strook nie. Ons hoef nie 'n reeks argumente aan te voer nie. Ons noem ook nie die agentskap se naam hier nie, aangesien hulle dit kan regstel, en hierdie teks nog lank op hierdie form gaan staan.)

Terugvoering

Van die Dorpskantoor se kant af (spesifiek die Afdeling Beplanning en Grondgebruik), is die vereistes vir eiendomsagente dat, indien hulle kantore in die dorp het waarvandaan hulle besigheid doen, hul besigheid by die Dorpskantoor geregistreer moet wees en dat hul standaard-eiendomsagentebordjies van 600 x 400 mm eenmalig by die GGBK ingedien moet word vir goedkeuring. Sover bekend voldoen alle Orania-gebaseerde eiendomsagente aan bogenoemde twee vereistes.

Dinge soos sosiale media of ander aanlyn advertensies word nie deur die Dorpsraad gereguleer nie, alhoewel ons dit natuurlik ten sterkste aanbeveel dat alle Orania-besighede, sover moontlik, slegs in Afrikaans handel dryf.

Ons weet egter dat sekere nasionale webwerwe (onder andere sommige van dié waarop eiendomme geadverteer word) van adverteerders vereis om advertensies slegs in Engels te plaas. Sulke gevalle kan dus argumenteerbaar as ’n noodsaaklike uitsondering beskou word vir advertensies na buite (terwyl enige advertensies binne Orania sekerlik uitsluitlik Afrikaans behoort te wees).

Indien enigiemand wil seker maak dat hierdie tipe saak in detail ondersoek word, stel ons voor dat bewyse by OVD ingedien word, sodat dit onder Regspleging se aandag gebring en, waar van toepassing, hanteer kan word. Die persoon wat die saak aanmeld, kan anoniem bly in die proses.