Ons het ook media-berigte daaroor gesien (in o.a. Sunday World), maar ICASA het nog geen amptelike kontak gemaak met bv die Dorpsraad of die OVR nie.

Hulle is natuurlik welkom om die beweerde gebruik van Starlink in Orania te ondersoek. Aangesien ons as "owerheid" weet dat dit steeds onwettig is in Suid Afrika, word Starlink beslis nie deur ons gebruik nie en is daar niks te vrese indien hulle 'n ondersoek sou doen nie.

Ons is sterk verbind tot wettige optrede, nie net vir dinge soos die gebruik van kommunikasie-tegnologie nie, maar ook vir ons strewe na onafhanklikheid (om eendag nie net 'n stad of 'n streek te wees nie, maar 'n vrye staat), so ons verwag nooit om probleme te ondervind indien die wettigheid van ons optredes ondersoek word nie.