AANDELEBLOKKE WAT IN REGSPERSONE OF TRUSTS GEHOU WORD

Geagte Aandeelhouers en Inwoners,

AANDELEBLOKKE WAT IN REGSPERSONE OF TRUSTS GEHOU WORD

Opsomming : Indien die beheer van aandeelhouer/s sou verander, word dit as geagte oordragte van die betrokke aandeleblok/ke beskou en is oordragkostes van toepassing.

Orania Aandeleblok (RF) (Eiendoms) Beperk (OAB) se aandeelhouers het op 13 November 2021 met die goedkeuring van OAB se akte van oprigting, inherent besluit dat alle belange in aandeleblokke wat in regspersone of trusts gehou word, geag word, vervreem te word indien die beheer van die aandeelhouer/s sou verander, sonder dat die belang in die aandeleblok per se oorgedra word. Transaksies van dié aard word as geagte oordragte beskou. OAB se akte van oprigting bepaal ook dat OAB vooraf skriftelike kennis moet ontvang, indien die beheer van die aandeleblokhouer/s sou verander. Ten einde hierdie tipe oordragte beter te reguleer het die direksie besluit dat geagte oordragte se transaksiewaardes gelyk aan OAB se aandeleblokwaardasies gestel word, ongeag enige teboekstelling deur die aandeleblokhouer/s. In gevalle waar OAB vooraf kennis van geagte oordragtransaksies ontvang, sal slegs 50% van die normale oordragkoste gehef word, terwyl die volle oordragkoste op geagte oordragtransaksies gehef sal word, waar vooraf skriftelike kennis nie ontvang is nie.

U is welkom om Jacques van Wyk te kontak op jacques@myorania.co.za indien daar enige onduidelikheid hieroor sou bestaan.

Inwoners kan, soos altyd, die Dorpsraad kontak oor enige onderwerp, deur die volgende skakel te gebruik: $ https://myorania.co.za/kontak-ons/$ 

Indien u dit anoniem wil doen, kan u ‘n opmerking plaas in die Anonieme Forum op ons webwerf: $ https://myorania.co.za/anonieme-voorstelle-opmerkings-of-klagtes/$ 

Groete,

Jacques van Wyk

Maatskappysekretaris