GEEN VUURWERKE WORD IN ORANIA TOEGELAAT NIE

Geagte Aandeelhouers en Inwoners,

GEEN VUURWERKE WORD IN ORANIA TOEGELAAT NIE

Opsomming : Geen vuurwerke of klappers word in Orania toegelaat sonder spesifieke toestemming daarvoor nie (en geen goedkeurings is toegestaan vir die feestydperk tussen 2024 en 2025 nie).

Let asseblief daarop dat geen vuurwerke of klappers in Orania toegelaat word sonder dat dit spesifiek goedgekeur is nie. Geen geleentheid het hierdie jaar toestemming vir die gebruik daarvan gekry nie en natuurlik ook geen privaat persone nie. Daar behoort dus geen vuurwerke of klappers afgeskiet te word tydens hierdie feestydperk nie.

Dit is welbekend dat troeteldiere sowel as wilde diere in ons omgewing ernstige negatiewe reaksies op vuurwerke kan toon, so verantwoordelike Oraniërs behoort glad nie die oorsaak daarvan te wees deur vuurwerke en klappers af te skiet nie.

Behalwe vir die effek wat die klank op sensitiewe diere en mense het, skep vuurwerke ook ‘n risiko vir onbeheersde veldbrande, wat juis as een van die grootste risiko’s vir Orania geïdentifiseer is tydens die veiligheidswaardering wat in 2024 gedoen is.

Die gemeenskap moet asseblief daarvan bewus wees dat Orania Veiligheidsdienste (OVD) die verbod op die afvuur van vuurwerke en klappers deurgaans sal toepas.

OVD kan gekontak word op 053 207 0089 of 060 501 7877 met navrae hieroor, of u kan, soos altyd, in kontak met die dorpsraad tree oor enige onderwerp, deur van die volgende skakel gebruik te maak:

$ https://myorania.co.za/kontak-ons/$ 

Vriendelike groete,

Ettiene De Lange

Hoof : OVD