VLOEDRISIKOVLAK BY ORANIA WORD NA GEEL VERHOOG

24 April 2025

Geagte Aandeelhouers,

VLOEDRISIKOVLAK BY ORANIA WORD NA GEEL VERHOOG

Opsomming: Die GOS het die vloedrisikovlak in die Oranjerivier by Orania na GEEL verhoog.

Ons kennisgewing 080/2025 op 15 April 2025 met titel “Oranjerivier se watervlak het begin styg”, verwys.

Die Vanderkloofdam het sedertdien sy oorloopvlak van 100% bereik en staan tans op 105.3%. Dit het tot gevolg dat die huidige vloei in die rivier om en by 1000 kumek is. Die Gesamentlike Operasionele Sentrum (GOS) het die besluit geneem dat die vloedrisikovlakke na vlak Geel verhoog en dat geen wateraktiwiteite meer op die rivier beoefen word nie, maar met vergunning dat Sandbaai en die rivieroewer nog nie gesluit word nie.

Vloedrisikovlakke
Die volgende vloedrisikovlakke word as aanduiders van gevaar gebruik:
Vlak GROEN: normale riviervlakke.
Vlak GEEL: dreigende gevaar, wees paraat (geen toegang tot die rivier).
Vlak ORANJE: beveilig eiendom en verwyder waardevolle items en diere in geïdentifiseerde gebiede (verhoogde paraatheid).
Vlak ROOI: alle persone in geïdentifiseerde gebiede ontruim teen ʼn aangekondigde tyd.

Sou die rivier se watervlakke skerp styg sal die GOS die rivieroewer en Sandbaai sluit en sal die gemeenskap dienooreenkomstig in kennis gestel word.

Ons benadruk weer dat daar tans sterk strome en maalkolke in die rivier is, en word dit as baie gevaarlik beskou, en versoek ons die gemeenskap om met die verhoogde riviervlakke baie versigtig te wees.

Groete,

GOS Voorsitter

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/