VOLGENS WETGEWING WORD GEEN VUURWERKE IN ORANIA TOEGELAAT SONDER SPESIFIEKE GOEDKEURING NIE

18 Desember 2025

Geagte Oraniërs,

VOLGENS WETGEWING WORD GEEN VUURWERKE IN ORANIA TOEGELAAT SONDER SPESIFIEKE GOEDKEURING NIE

Ingevolge Artikel 15(1) van die Wet op Plofstowwe (Wet 15 van 2003) word die handel, besit en gebruik van plofstowwe sonder die nodige permit verbied (vuurwerke word hierin ook as plofstowwe beskou). Die afvuur van vuurwerke is dus ook in Orania onwettig sonder die vereiste amptelike goedkeuring.

Inwoners kan die Dorpskantoor skakel op 053 207 0063, om met die Grondgebruik Bestuurskomitee (GGBK) hieroor in verbinding te tree. Hulle sal dan, indien nodig, die goedgekeurde gebruik van vuurwerke met OVD koördineer.

Oraniërs word verder versoek om asseblief oor die algemeen ander inwoners en besoekers in ag te neem, veral wat geraas betref. Ons ontvang gereeld hierdie tyd van die jaar klagtes oor onder andere harde musiek ná 22:00 in die aande. Ons versoek almal vriendelik om daarop bedag te wees dat hul optrede nie ander mense onnodig verontrief nie.

Vriendelike groete,

Ettiene De Lange
Hoof : OVD

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/