TOEPASSING VAN VERKEERSREËLS IN ORANIA

091/2026

8 Julie 2026

Geagte Oraniërs,

TOEPASSING VAN VERKEERSREËLS IN ORANIA

*Opsomming : Alle Suid-Afrikaanse verkeersreëls geld ook in Orania en word as sodanig deur OVD gepolisieer.*

Ons wil inwoners graag daaraan herinner dat alle Suid-Afrikaanse verkeersreëls ook in Orania van toepassing is. Dit sluit natuurlik in dat daar by die plaaslike spoedgrense gehou moet word, dat daar by stopstrate gestop moet word, ens. Wanneer OVD verkeersoortreders in Orania aankeer, kan dissiplinêre optrede en/of boetes die gevolg wees.

Een spesifieke aspek waaroor OVD onlangs weer gekontak is, is die onveilige vervoer van passasiers, veral kinders. Twee voorbeelde van hierdie oortreding (wat as nalatige bestuur – ‘n ernstige oortreding – gekategoriseer word) is wanneer kinders op ouers se skoot sit voor in ‘n voertuig (selfs agter die stuurwiel!), of wanneer hulle op die rand van die bak van ‘n bakkie sit. Albei hierdie situasies is lewensgevaarlik, selfs wanneer ‘n voorval teen stadige spoed plaasvind.

Ons wil almal (veral ouers) dus weer aanmoedig om nooit kinders op hierdie maniere in gevaar te stel nie.

Vriendelike groete,

Ettiene De Lange

Hoof : OVD

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/

Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/