Die Ierse Monument (bokant die Gemeenskapsaal, naby die Klein Reus op monument-koppie) herdenk die Iere wat aan Boerekant geveg het in die Tweede Vryheidsoorlog teen Brittanje.

Daardie manne het gerebelleer teen hulle eie staatshoof (Koningen Victoria) en kon die doodstraf opgelê word daarvoor, so die Boerevolk het massiewe waardering vir die opoffering wat hulle vir ons vryheid gemaak het.

Ons herdenk eerskomende Maandag (wat toevallig ook die grootste dag in die Ierse kalender is, St Patrick’s Day) hierdie geskiedenis.

📖 PROGRAM:
17:30 – Verwelkoming en Opening met Skriflesing en Gebed.
✨ Verkenners hou die Stryd-, Vierkleur-, Vrystaat- en Rebellievlag op agter die monument.
17:35 – Hoofspreker – Christiaan van Zyl: Toespraak oor die Ierse vrywilligers se rol in die Anglo-Boereoorlog en die monument se geskiedenis.
17:50 – “Lied van die Ierse Vryheidsvegter” deur Herman van den Berg speel tydens Heildronk.
Groen drankie word bedien.
17:55 – Afsluit met die Roepstem van Orania.

📻 Regstreekse Uitsending: Radio Orania sal die verrigtinge “live” op Facebook uitsaai.

💚 Trek iets groens aan! ‘n Groen strikkie, ietsie in jou hare of selfs jou Boere-groen klere – dit gaan immers oor ons Anglo-Boereoorlog!

🍀 Donasieboks & Lidmaatskap 🍀
Indien jy wil help om die Orania Bewaringstigting te ondersteun in hul missie om ons Afrikaner-kultuur te bewoon, bewerk en bewaar, sal daar ‘n donasieboks beskikbaar wees.
Jy kan ook aansluit as lid van die Orania Bewaringstigting en deel wees van die beweging om ons kultuur vir toekomstige geslagte lewendig te hou!
Kontak ons vir navrae:
📞 053 207 0063
📧 bewaringstigting@orania.co.za
Besoektye:
Maandae tot Vrydae – 08:00 tot 16:00

🌿 Orania Bewaringstigting – Bewoon 🌼 Bewerk 🌼 Bewaar