DORPSWEMBAD OPENINGSDATUM

Geagte Aandeelhouers en Inwoners,

DORPSWEMBAD OPENINGSDATUM

Ingenieursdienste is tans besig met noodsaaklike opgraderings aan die waterpompstelsel by die rivier. Ten einde te voorkom dat die waternetwerk oorlaai word, was ons genoodsaak om die intap van die swembad uit te stel met ongeveer twee weke. Die gevolg hiervan is dat die openingsdatum van die swembad sal moet uitgestel word. In plaas van die vorige gekommunikeerde datum van 13 September, sal die swembad nou oopmaak op Vrydag 27 September om 10:00.

Vrydag die 27ste is dieselfde dag as die Karnaval en dit vorm ook die laaste naweek van die skoolkinders se vakansietyd. Dit behoort dus ‘n ideale geleentheid te wees vir die jongklomp om daardie oggend bietjie te gaan afkoel voordat die Karnaval op Vrydagmiddag afskop.

Baie dankie vir u begrip. Ons sien uit om die komende swemseisoen ‘n luilekker Saterdagmiddag saam met u te spandeer by Orania se spogswembad.

Vriendelike groete,

Arno Lambrechts

Hoof: Gemeenskapsdienste.