AANBIEDINGE WORD VERSOEK VIR DIE AANKOOP EN VERWYDERING VAN OU STAAL SANDFILTERS

121/2025

2 Julie 2025

Geagte aandeelhouers en inwoners,

AANBIEDINGE WORD VERSOEK VIR DIE AANKOOP EN VERWYDERING VAN OU STAAL SANDFILTERS

Orania Infrastruktuur het vier ou gebruikte staal sandfilters wat verkoop en verwyder moet word. Belangstellendes kan na die aangehegte foto’s verwys, maar kan die filters ook fisies besigtig by die Dorpsraad se herwinningsarea (oorkant die battery).

Almal wat ʼn aanbod wil maak moet dit op skrif stel en ‘n ondertekende kopie daarvan in ‘n geseëlde koevert in die Oriana Dorpsraad se tenderboks by die Dorpskantoor plaas. Die woorde “Aanbod vir die koop en verwydering van vier staal sandfilters” moet op die koevert verskyn en die volgende inligting moet op die aanbod binne die koevert wees (die afwesigheid daarvan sal diskwalifiserend wees):

• Opskrif : Aanbod vir die koop en verwydering van 4 staal sandfilters
• Naam en van (persoon of instansie wat die bod plaas).
• Adres en kontakbesonderhede.
• Bevestiging dat die koper bewus is daarvan dat die items op eie onkoste verwyder moet word.
• Aanbod bedrag (hoeveel Ф).

Die sluitingsdatum is Vrydag 18 Julie 2025 om 12:00, wanneer die tenderboks by die Dorpskantoor publiek oopgemaak sal word en die hoogste aanbod bo ‘n reserweprys suksesvol sal wees.

Vriendelike groete,

Andre van Heerden
Hoof: Ingenieursdienste

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/