BELANGRIKHEID VAN PUBLIEKE DEELNAMEPROSES

Geagte Aandeelhouers en Inwoners,

BELANGRIKHEID VAN PUBLIEKE DEELNAMEPROSES

Opsomming : Die gemeenskap word versoek om asseblief versoeke rakende publieke deelnameprosesse met erns te hanteer, aangesien besluite oor grondgebruikaansoeke nie sonder hierdie deelname geneem kan word nie.

Die Orania Dorpsraad se Afdeling Beplanning en Grondgebruik stuur gereeld kennisgewings uit om die gemeenskap bewus te maak van publieke deelnameprosesse wat gevolg moet word as deel van grondgebruikaansoeke, soos byvoorbeeld hersonerings, grensverskuiwings en dranklisensies.

Die doel van publieke deelname is om die insette van die gemeenskap te verkry en om seker te maak dat bure deeglik bewus is van moontlike veranderinge in hul direkte omgewing.

Die Direksie en die kantoor beskou die publiek se insette as uiters belangrik, aangesien ‘n ingeligte besluit oor grondgebruikaansoeke slegs moontlik is wanneer al die feite, insluitend die gemeenskap se opinies, beskikbaar is. ‘n Finale besluit kan slegs geneem word nadat die publieke deelnameperiode afgehandel is.

Die gemeenskap word dus versoek om hierdie versoeke vir deelname met erns te hanteer, aangesien dit ‘n integrale deel van die hele proses vorm.

Vir meer inligting kan Cobus Pretorius geskakel word by die dorpskantoor (053 207 0063), of kan u, soos altyd, in kontak met die dorpsraad tree oor enige onderwerp, deur van die volgende skakel gebruik te maak.

$ https://myorania.co.za/kontak-ons/$ 

Vriendelike groete,

Cobus Pretorius

Hoof : Beplanning en Grondgebruik