BRANDGEVAAR EN DEELNAME AAN BRANDBEHEER

133/2025

17 Julie 2025

Geagte Oraniërs,

BRANDGEVAAR EN DEELNAME AAN BRANDBEHEER

Opsomming : Orania Veiligheidsdienste (OVD) herinner inwoners aan die gevare gedurende die huidige brandseisoen en doen ’n beroep op vrywilligers om betrokke te raak by brandbestrydingsaktiwiteite.

Orania bevind hom tans in die seisoen waarin brande die waarskynlikste voorkom en inwoners word daaraan herinner om versigtig en waaksaam te wees. Ons doen ’n beroep op Oraniërs om asseblief bedag te wees op droë materiaal op erwe, aangesien dit ’n ernstige brandgevaar kan inhou. Wees ook versigtig met die gebruik van braaivleisvure, verwarmers en kaggels in huise.

Die Orania Weerbaarheidsvereniging doen ’n beroep op enige persone met formele brandweer agtergrond wat bereid is om toepaslike opleiding aan ander te gee, om met Theuns Wessels by OVD in verbinding te tree. Vrywilligers is welkom om by OVD die nodige vorms in te vul om by die Orania Weerbaarheidsvereniging aan te sluit en deel te word van die span vrywilligers wat die hele gemeenskap beveilig.

Vriendelike groete,

Theuns Wessels
OVD en Weerbaarheidsvereniging

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/