HERINNERING : TERUGVOER OOR MENINGSOPNAME ONDER HELE ORANIA-GEMEENSKAP GEBEUR VANAAND

091/2025

6 Mei 2025

HERINNERING : TERUGVOER OOR MENINGSOPNAME ONDER HELE ORANIA-GEMEENSKAP GEBEUR VANAAND

Ons wil almal graag hiermee herinner aan vanaand se geleentheid waar die uitslae van die anonieme meningsopname onder alle Oraniërs gedeel en bespreek gaan word.

Opsomming: Daar sal op Dinsdag, 6 Mei 2025, publieke terugvoer gegee word oor die uitslag van die anonieme meningsopname wat in Februarie onder die hele Orania-gemeenskap gedoen is.

Mense sal onthou dat daar in Februarie vanjaar ’n anonieme meningsopname onder die hele Orania-gemeenskap gedoen is. Dit het grotendeels ten doel gehad om die sentiment van inwoners teenoor verskillende aspekte van die dorp – en veral die Dorpsraad se werksaamhede en bestuur – te bepaal. Ons wil hiermee ’n geleentheid skep waar die uitslae van hierdie opname in die openbaar bespreek kan word, en waar vrae daaroor beantwoord sal word.

Datum: 6 Mei 2025
Tyd: 17:00 vir 17:15 tot ongeveer 19:00
Plek: BKO Ouditorium

Vir diegene wat belangstel, kan u reeds voor die tyd na die basiese uitslae van die opname kyk deur die skakels hieronder te volg. Tydens die geleentheid sal egter heelwat meer detail gedeel word en interessante korrelasies tussen verskillende vrae sal uitgewys word. Die statistiese geloofwaardigheid van die steekproef sal ook bespreek word.

In PDF formaat : https://myorania.co.za/wp-content/uploads/Alle-antwoorde-in-PDF.pdf
In Excel formaat : https://myorania.co.za/wp-content/uploads/Alle-uitslae-opgesom.xlsx

Indien die skakels hierbo steeds nie vir u werk nie, of indien u spesifieke vrae het wat u voor die tyd reeds onder ons aandag wil bring (sodat dit tydens die geleentheid volgende week beantwoord kan word), is u welkom om ‘n vonkpos daaroor na burger@myorania.co.za te stuur.

Vriendelike groete,

Burger Lambrechts
Orania Dorpsraad : Kommunikasiebeampte

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/