‘N LANG ESKOM KRAGONDERBREKING OP 31 MEI BEHOORT OORBRUG TE WORD DEUR ORASOL

103/2025

27 Mei 2025

‘N LANG ESKOM KRAGONDERBREKING OP 31 MEI BEHOORT OORBRUG TE WORD DEUR ORASOL

Opsomming : Eskom sal op 31 Mei (eerskomende Saterdag) geen elektrisiteit aan Orania verskaf tussen 08:00 en 16:00 nie, maar die Sonplaas en battery behoort te verseker dat daar nie ‘n kragonderbreking in Orania Dorpsgebied sal wees nie.

Eskom het ons verwittig dat daar, as gevolg van nood elektriese onderhoudswerk, ’n agt uur lange kragonderbreking in Orania sal wees op 31 Mei. Orasol behoort in dié tydperk aan al die dorpsgebied se elektrisiteitsbehoeftes te kan voldoen, maar indien dit wel sou gebeur dat die krag afgaan, moet inwoners altyd, ter wille van veiligheid, enige kragpunte of toestelle as lewendig beskou

Dit mag moontlik gebeur dat aardlek-stroombrekers oopmaak tydens die oorskakeling van Eskom na Orasol, so indien inwoners se krag enige tyd Saterdag onderbreek word, moet hulle asseblief hul brekers nagaan en weer toemaak indien nodig.

Vriendelike groete,

Gawie Snyman
Uitvoerende Hoof

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/