OPENBARE GESPREKSGELEENTHEID MET OAB DIREKSIE (S- en N-AANDEELBLOKKE)

Geagte Aandeelhouers en Inwoners,

OPENBARE GESPREKSGELEENTHEID MET OAB DIREKSIE (S- en N-AANDEELBLOKKE)

Opsomming : Daar sal eerskomende Dinsdag, 10 Desember, om 17:30 ‘n openbare gespreksgeleentheid met die OAB direksie wees in die BKO Ouditorium.

Die Orania Dorpsraad skep gereeld geleenthede vir die onderskeie wyke van die dorp om persoonlik met die direksie van die Orania Aandeleblok (OAB) te skakel en die volgende sulke geleentheid vind op 10 Desember 2024 plaas.

Dié gesprekke dien as ‘n geleentheid vir die direksie om die gemeenskap se behoeftes aan te hoor en beter te verstaan. Daar word graag persoonlik met inwoners ontmoet sodat daar direkte kommunikasie tussen die direksie en mede-Oraniërs is. Insette uit die gemeenskap is altyd baie welkom.

Alhoewel alle mede-Oraniërs welkom is, nooi die direksie in die besonder hierdie keer inwoners van die S- en N- aandeelblokke uit na die gespreksgeleentheid op Dinsdag, 10 Desember tussen 17:30 en 19:00 in die OAB Ouditorium (S aandeelblokke is die dorpsgebied vanaf Meester se Draai boontoe en N aandeelblokke is die hele nywerheidsgebied vanaf CVO Orania tot onder die battery en Eskom substasie).

Ons ontvang u graag daar.

Vriendelik, die uwe

Gawie Snyman

Dorpsbestuurder