OPGRADERING VAN HEKKE BY HOOFKRUISING

171/2025

2 September 2025

Geagte Oraniërs,

OPGRADERING VAN HEKKE BY HOOFKRUISING

Opsomming : Beide hekke by die hoofkruising met die R369 word tans gemotoriseer, en die gebruik van die hekke na-ure sal voortaan verander.

Werk is begin om die skuifhekke na beide Orania-Oos en Orania-Wes (by die hoofkruising met die R369) te motoriseer.

Let asb op die volgende belangrike punte hieromtrent:
• Die hekke kan slegs oop- en toegemaak word vanuit die 24-uur beheerkamer, waar hulle ook per kamera gemonitor word.
• Op weeksaande sal die hekke gesluit wees tussen 23:00 en 05:00, en op naweke tussen 00:00 en 05:00.
• Wanneer iemand gedurende hierdie tye deur die hekke wil beweeg, moet hulle van die interkom gebruik maak om met die beheerkamer in verbinding te tree, of die beheerkamer direk bel (die nommer sal op borde aangebring word).
• Afleweraars, koeriers en besoekers sal nie na-ure toegang kry as hulle nie bewyse van vooraf reëlings kan lewer nie, of as hulle nie deur ’n inwoner begelei word nie.
• Van die groot voordele van hierdie opgradering is dat (1) kwesbare persone glad nie meer uit hulle voertuie hoef te klim in die aand nie, (2) die hekke nooit sal oopstaan as gevolg van nalatige bestuurders wat dit nie agter hulle toemaak nie en (3) die hekke onmiddelik toe- of oopgemaak kan word soos benodig tydens noodgevalle.

Vriendelike groete,

Ettiene de Lange
Hoof : Orania Veiligheidsdienste (OVD)

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/