SOETDORINGSTRAAT NABY VEILIGHEIDSGEBOU GAAN MÔRE GESLUIT WEES

090/2025

5 Mei 2025

SOETDORINGSTRAAT NABY VEILIGHEIDSGEBOU GAAN MÔRE GESLUIT WEES

Opsomming: Soetdoringstraat, by die kruising met Vaalbosstraat, sal môre gesluit wees, maar ’n maklike alternatiewe roete — agter die Gemsbok Sportinstituut verby — sal beskikbaar wees.

Uitgrawings sal in Soetdoringstraat plaasvind om water-, krag- en veselkoppelings onderdeur die pad te installeer. Die pad sal dus gesluit wees naby die Veiligheidsgebou in die rigting van Meester-se-Draai (by die kruising met Vaalbosstraat).

Padtekens sal aangebring word om motoriste te help om die alternatiewe roete maklik te vind.

Ons vra om verskoning vir enige ongerief wat hiermee gepaard gaan en vertrou op inwoners se vriendelike samewerking.

Vriendelike groete,

Andre van Heerden
Hoof : Ingenieursdienste

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/