Nee, daar was geen geval waar onredelike eise aan voornemende nuwe besigheidsmanne gestel is nie. Natuurlik is dit nodig dat nuwe mense moet verstaan dat Orania ’n spesifieke, unieke inslag het en dat ons arbeidsbeleid en visie vir die toekoms baie anders as ander plekke s’n is, maar indien iemand hulle vereenselwig met Orania se doelstellings, is hulle welkom om in ons vryemark-ekonomie besigheid te doen op gelyke voet met enige iemand anders.

Indien die anonieme plaser van hierdie vraag graag spesifieke inligting wil voorlê vir verdere gesprekke, stel ons voor dat dit per e-pos gedoen word aan inligting@myorania.co.za (maar dit sal die afsender se e-pos adres natuurlik sigbaar maak), want dan kan ’n meer in-diepte ondersoek gedoen word en kan alle partye die saak makliker en vinniger bespreek totdat almal tevrede is.