Dankie vir jou opmerking. Ons stem saam dat die herdenking van Paasfees 'n uiters belangrike deel van ons Christelike kalender is.

Ons is nie seker na wie jy verwys as jy praat van "ORANIA" nie, maar ons neem aan jy bedoel seker die "owerheid" van die dorp. Dit is dus belangrik om te noem dat Bokkieweek glad nie 'n geleentheid van die Dorpsraad of die OVR is nie. Om die waarheid te sê is dit ook nie eers 'n projek van die CVO skool nie - dit word slegs op hulle sportgronde aangebied.

Ook kan dit miskien help deur daarop te wys dat 'n gesamentlike kerkdiens op beide Goeie Vrydag en op Paas Sondag deel van die program van Bokkieweek uitmaak.

Jy is natuurlik welkom om steeds jou geldige opinie oor die feit dat Bokkieweek hierdie jaar op Paasnaweek val te huldig, maar ons hoop dat die inligting wat hier gegee is ook 'n ander konteks daaromtrent vir jou geskets het.