045/2026

Vullis en Herwinning

Uitgereik op: 16 April 2026

Ingenieursdiente

1 Vullis en Herwinning

045/2026

16 April 2026

Geagte Oraniërs,

Vullis en Herwinning

Opsomming : Let asseblief weer op die volgende punte aangaande vullis en die regte manier hoe inwoners herwinning in Orania moet hanteer.

Orania se bestaande herwinningspraktyke lewer ’n groot bydrae tot die stortingsterrein se lewensvatbaarheid, en dit is iets waarop Oraniërs baie trots kan wees. Onderaan hierdie kennisgewing is Orania se herwinningsblaadjie ter inligting. ’n Gratis kopie van die blaadjie is ook by die Dorpskantoor se ontvangs beskikbaar.

U kan ons bystaan met die volgende, wat die herwinningsproses aan ons kant baie sal vergemaklik:

• Die proppies van plastiekbottels is ook herwinbaar, maar moet afsonderlik gelewer word. Dit sal ons baie tyd spaar indien u die proppies reeds kan afdraai en in ’n afsonderlike sakkie of plastiekhouer kan uitplaas vir verwydering.

• Maak asseblief seker dat alle herwinbare vullis se houers leeg is. Herwinbare vullis met vuil of vrot inhoud is nie net onaangenaam nie, maar bemoeilik ook die verwerking daarvan.

• Ou motorolie kan in toe houers by die tegniese stoor afgelaai word. Die tegniese afdeling lewer die olie aan handelaars wat dit verder herwin.

• Dit help ons baie as vullisdromme of houers wat gebruik word om vullis uit te plaas, dreineringsgate in die bodem het. Dit verhoed dat houers met reënwater of ander vloeistowwe gevul is wanneer dit gelaai word.

• Die batterye van ou selfone en “vapes” (elektroniese sigarette) word as sensitiewe materiaal geklassifiseer en moet asseblief afsonderlik uitgeplaas word. Indien hierdie items op die stortingsterrein beland, kan dit tot die ontstaan van brande lei.

Ons bedank graag elke inwoner wat getrou sorteer en die verwerking van herwinbare materiaal vergemaklik. Elkeen maak ’n reusebydrae om ons vullisvoetspoor so klein as moontlik te hou.

Kontak die Dorpskantoor gerus vir enige verdere navrae.

Vriendelike groete,

Andre van Heerden

Hoof : Ingenieursdienste

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/

Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes

Filters

Algemene kennisgewings

Noodkennisgewings

Openbare Gesprekke

Tenders

Vakante poste

Die bogenoemde vloedrisikovlakke word as aanduiders van gevaar gebruik:
Vlak GROEN: normale riviervlakke
Vlak GEEL: dreigende gevaar, wees paraat (geen toegang tot die rivier)
Vlak ORANJE: beveilig eiendom en verwyder waardevolle items en diere in geïdentifiseerde gebiede (verhoogde paraatheid)
Vlak ROOI: alle persone in geïdentifiseerde gebiede ontruim teen ŉ aangekondigde tyd