GRONDGEBRUIK AANSOEKE VIR OAB OORWEGING – 19 JUNIE 2026 SPERDATUM

066/2026

25 Mei 2026

Geagte Oraniërs,

GRONDGEBRUIK AANSOEKE VIR OAB OORWEGING – 19 JUNIE 2026 SPERDATUM

Opsomming : Enige grondgebruikaansoeke wat grensverskuiwings, konsolidasies of onderverdelings behels, moet asseblief die dorpskantoor bereik voor of op Vrydag, 19 Junie 2026, om betyds te wees om in September deur die OAB se Algemene Jaarvergadering oorweeg te word.

Neem asseblief kennis daarvan dat die Orania Grondgebruiktribunaal (OGT) se geskeduleerde vergadering van 24 Junie 2026, die laaste geleentheid bied vir ingediende aansoeke vir grondgebruik om oorweeg te word, sodat dit in September goedgekeur kan word.

Indien die aansoeke grensverskuiwings, konsolidasies en onderverdelingsaansoeke van aandeelblokke behels, sal finale goedkeuring by Orania Aandeleblok (RF) (Edms) Bpk (OAB) se Algemene Jaarvergadering wat vir 18 September 2026 geskeduleer is, geskied. Grondgebruikaansoeke behels ʼn proses waar dit eers by die Tribunaal oorweeg word en dan na OAB-direksie verwys word vir goedkeuring. Daarna is dit aan ‘n 21-dae-openbare deelnameproses onderhewig en laastens word dit na die OAB se Jaarvergadering verwys vir finale goedkeuring.

Ons versoek dus dat grondgebruikaansoeke die dorpskantoor nie later as 19 Junie 2026 bereik nie.

Vriendelike groete,

Cobus Pretorius
Hoof : Beplanning en Grondgebruik

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/