Die OAB-direksie verwelkom insette oor enige aspekte van die bestuur van die dorp vanaf inwoners, en skep daarom verskeie kanale waardeur dit gedoen kan word.

Daardie kanale is onder andere die volgende:

1. Die Gespreksgeleenthede met die Direksie wat 6 keer per jaar in verskillende wyke van die dorp gehou word, waartydens die direksie nie juis iets voorberei om met die gemeenskap te deel nie, maar eerder die tyd gebruik om direk met inwoners te skakel en vrae te beantwoord.
2. Persoonlike afsprake kan met direksielede gemaak word deur die OAB maatskappysekretaris (Jacques van Wyk) via die ontvangs van die Dorpskantoor (053 207 0063).
3. Die "Kontak Ons" skakel onder aan elke amptelike kennisgewing (of direk op die myorania.co.za webwerf).
4. Die "Anonieme Forum" skakel onder aan elke amptelike kennisgewing (of direk op die myorania.co.za webwerf) - dus, presies waar hierdie opmerking geplaas is. LET WEL - In hierdie geval is die volledige ongeredigeerde opmerking wat daar ontvang is reeds na die maatskappysekretaris aangestuur, sodat dit onder die direksie se aandag gebring kan word.