Dit is glad nie die geval nie. Almal in Orania val onder dieselfde reëls en het dieselfde gevolge as hulle dit oortree.

Maar let ook daarop dat die "polisiëring" van goed soos moraliteit en sedes deur kerke en die gemeenskap self hanteer word, so dit is nie iets waarby die owerhede betrokke raak nie. Niemand se verblyfreg word bv ooit opgehef as gevolg van sedelose optrede nie, onafhanklik van die posisie wat die persoon in die dorp bekleë (behalwe natuurlik as enige optrede onwettig is, soos bv molestering ens, wat wel tot die opheffing van verblyfreg en moontlik ook kriminele vervolging sal lei). Die gemeenskap en miskien werkgewers sal waarskynlik wel gesprekke met die betrokke partye voer of dalk optree teen hulle, maar dit sal nie vanaf die owerheid se kant af kom nie.

Indien iemand in elk geval bewyse van onaanvaarbare gedrag deur Oraniërs onder die Dorpsraad se aandag wil bring, maar glad nie hulle eie naam aan die aanmelding daavan gekoppel wil hê nie, kan dit onder andere op hierdie Anonieme Forum gedoen word as volg:

1. Laai die bewyse (bv dokumente of videos of foto's of e-posse of whatsapp boodskappe ens) op 'n plek op die internet waar dit nie aan die publiek sigbaar sal wees nie (bv op 'n googledoc of op youtube of so iets, met die instellings van so aard dat dit privaat bly).
2. Stuur 'n skakel na daardie bewyse na die Dorpsraad deur 'n plasing op hierdie Anonieme Forum te maak. Sulke plasings word nie outomaties sigbaar aan die publiek nie, maar die Dorpsraad ontvang dit wel. Op daardie manier sal die bewyse verskaf word sonder dat die aanmelder se identiteit bekend word.

Die maklikste manier om enige besware by die Dorpsraad aan te meld is egter maar net om die afdeling Regspraak te kontak, want sulke aanmeldings word altyd streng konfidensieël hanteer.