Dit is 'n baie goeie vraag! Vir Oraniërs, wat reeds die doodloopstraat van die "nuwe Suid Afrika" ingesien het en daadwerklik deel geword het van die enigste werkbare langtermyn oplossing (gedesentraliseerde vryheid van gemeenskappe wat op kulturele grondslag interne gedeelde normes, waardes en strewes het), is dit moeilik om te verstaan hoekom daar nog soveel Boere-Afrikaners is wat bly glo in die "reënboog" oplossing wat globaliste aan almal probeer verkoop.

In volgehoue afhanklikheid van God is ons egter vol vertroue dat meer en meer van ons volksgenote ook sal deel word van ons oplossing - iets wat in die afgelope dekades veral versnel het elke keer wanneer Boere-Afrikaners meer verdrukking in Suid Afrika ondervind het en nie ge"sus" was deur vals-hoop oplossings soos die RNE nie.

Orania is gereed om selfs heelwat vinniger groei as die 10% per jaar gemiddeld oor die laaste dekade of so to hanteer, so ons sien daarna uit dat ons mense in groot getalle hierheen verhuis!