Orania is 'n gemeenskap wat die gelukkige en veilige aanhou van troeteldiere aanmoedig. Daarom is 'n stel goeie dierereëls in plek, wat verseker dat diere verantwoordelik, veilig en op 'n wyse wat hul welstand bevorder, aangehou word, terwyl oorlas vir die gemeenskap voorkom word. As owerheid sien ons dus graag dat ons inwoners die liefdevolle verhoudings met hul diere kan geniet en dat enige onvanpaste optrede teenoor diere gestraf word.

Die amptelike dierereëls kan afgelaai deur die volgende skakel te volg - Dokumente – My Orania - en dan aan die linkerkant van die bladsy onder "Dorpsreëls" te kyk vir Afdeling C, wat die dierereëls bevat.

Indien inwoners ooit vermoed dat enige diere deur eienaars of andere benadeel word, is dit belangrik dat die situasie onder OVD se aandag gebring word (deur dit in persoon by die Veiligheidsgebou aan te meld), sodat dit ondersoek kan word.