Die vloei van verkeer rondom die hoofkruising en voor Melk & Heuning is oor die afgelope paar dae gemonitor nadat ’n nuwe stopteken daar geïnstalleer is. Die aanvanklike aanduidings is positief: dit werk goed en bestuurders pas maklik aan by die verandering vanaf die vorige toegeeteken.

Behalwe vir die stopteken self, is die padmerke ook nuut geverf en die woord "STOP" is helder en duidelik sigbaar op die padoppervlak.

Die gevoel is dus dat dit op hierdie stadium nie nodig is om ’n afsonderlike kennisgewing daaroor uit te stuur nie, aangesien bestuurders in elk geval die nuwe stopstraat raaksien en gehoorsaam.

Indien dit later sou blyk dat die verkeervloei daar steeds verbeter kan word, sal ander opsies oorweeg word.