Behalwe vir die groot opgradering van Gannaboslaan wat tans besig is, en vir die opgradering van die pad vanaf die Eureka kruising na Kleingeluk (wat hopelik binne die volgende twee jaar of so in die begroting geakkommodeer sal word), wat beide reeds 'n verbetering vir Kleingeluk behels, is die beplanning met kleiner strate om elke jaar 'n nuwe gedeelte se randstene te doen totdat alles afgehandel is, waarna daar na die straat oppervlaktes self gekyk sal word.

Soos jy tereg opgemerk het, is dit maar moeilik om geld te vind vir alles wat mens eintlik in Orania sal wil doen, so sekere dinge moet ongelukkig noodgedwonge bietjie wag voordat dit kan gebeur.

Intussen word daar ook, behalwe vir sekere paaie wat wel elke jaar geteer word, groot bedrae spandeer aan dinge soos die opgradering van die waternetwerk (op hierdie stadium toevallig juis ook spesifiek na Kleingeluk toe), elktrisiteitnetwerk en stormwater-hantering ens, waarby die hele Orania baat.

Mens kan ook onthou dat daar toevallig aan die anderkant van die dorp vanaf Kleingeluk, op die Rooipad, ook groot gebiede is wat steeds grondpad is en waar die vooruitsig van teer waarskynlik eers heelwat later in die toekoms as Kleingeluk s'n gaan gebeur.