Vir buite-beleggers is dit moontlik om deur instellings soos Orasol (ons eie kragopwekking) betrokke te raak, of deur amptelik te belê in projekte van OOM (Orania Ontwikkelings Maatskappy). Beide hierdie twee instellings se kontakbesonderhede is geredelik beskikbaar en mens kan direk met hulle skakel daaroor. In die laaste twee maande het nuwe buite-beleggers etlike miljoee Rande in Orasol belê.

Ons roete na onafhanklikheid is 'n geleiedelike proses, waarop ons heeltyd klein stappies neem. Daar is al belangrike mylpale bereik, soos die erkenning van ons eie munisipaliteit en die vestiging van 'n erkende oorlegsone waarin ons eie grondgebruikskemas bestuur word ens, maar daar is nog 'n lang praktiese- en regsproses oor voordat ons droom van 'n onafhanklike staat 'n werklikheid gaan word. Realisties gesproke is dit nog vele jare weg en is die mees praktiese manier hoe ons op hierdie stadium daarheen werk deur die bestaande instellings en die bestaande realiteit van die dorp op die grond, aan te hou groei sodat ons 'n de facto volkstaat skep, voordat dit dan later de jure erken word.