Orania staan absoluut sonder uitsondering vas op die grondbeginsels van Eie Grond, Eie Arbeid en Eie Instellings vir ons Boere Afrikaner kultuur-dorp. Verblyfreg word streng daarvolgens toegeken. Hierdie feite sorg alreeds grotendeels daarvoor dat ons 'n dorp is met 'n homogene Christelike Boere-Afrikaner kultuur, maar dit beteken natuurlik nie dat die huidige dorp Orania, en veral ook nie die toekomstige staat, Orania, nie tydelike besoekers sal verwelkom wat "volksvreemd" is nie.

Wat veiligheid betref word daar gereeld deeglike risiko-analises gedoen en is daar breedvoerige veiligheidsplanne en verdedigingstaktieke in plek om omtrent enige gebeurlikheid waaraan jy kan dink te hanteer. Hierdie planne word natuurlik, vir logiese redes, nie altyd aan die groot klok gehang nie.

Enige inwoner is welkom om met OVD in verbinding te tree en ook betrokke te raak by ons vrywillge strukture, dan sal jy meer praktiese kennis oor ons paraatheid bekom en sal dit hopelik nie meer so groot bekommernis vir jou wees nie.