Dankie vir die sinvolle voorstel.

Ons stem saam dat dit soms baie nuttig kan wees as notules van sekere vergaderings aan alle belangstellendes beskikbaar kan wees, want dan kan almal makliker op hoote bly van belangrike gebeurtenisse wat hulle nie persoonlik kon bywoon nie.

Neem asb egter die volgende dinge in ag, wat dit ongelukkig in praktyk bemoeilik :

1. Dinge soos gemeenskapsvergaderings oor spesifieke onderwerpe is dikwels redelik sensitief, so inwoners verkies dat daar nie opnames gemaak word daarvan nie (soos jy as 'n moontlikheid voorgestel het). Selfs net geskrewe notules, waarop deelnemers se openhartige opmerkings aan hulle persoonlik gekoppel kan word, sal nie gunstig bejeën word nie. Daardie tipe vergaderings is geleenthede waar ons vryelik intern dinge moet kan bespreek en as gemeenskap by goeie oplossings moet kan kom, sonder dat deelnemers aan die gesprek bekommerd moet wees daaroor dat hulle woorde dalk in ander kontekste "verkeerd" mag voorkom.
2. Die inligtingsvergaderings van die OVR is natuurlik nie binne ons (die Dorpsraad se) beheer nie, so navrae oor moontlike notules daarvan sal ongelukkig aan hulle self gerig moet word. Die adres admin@ovr.co.za kan daarvoor gebruik word.
3. Die gereelde gespreksgeleenthede met die OAB direksie is seker 'n ander geleentheid waarvan 'n notule moontlik nuttig kan wees. Op hierdie stadium word daardie gesprekke bietjie meer informeel benader, juis sodat inwoners die vrymoedigheid kan neem om sonder vrees daaraan deel te neem, so daar word nie 'n volledige notule gehou nie. Dit is egter iets wat ons sal oorweeg vir die toekoms - dankie vir die voorstel!