Dankie daarvoor dat jy graag ’n goeie ervaring vir alle padgebruikers in Orania wil hê.

Die verskillende metodes van spoedbeheer wat op Orania se paaie toegepas word, is egter steeds nodig. Ten spyte daarvan dat die meeste mense in elk geval by die spoedreëls sou hou, selfs sonder spoedwalle, is daar ongelukkig ook padgebruikers wat dit gereeld nie wil doen nie.

Soos jy dalk weet, word daar verskillende maniere getoets om te sien of motoriste se spoed beheer kan word sonder dat hulle motors oor hobbels hoef te skud. ’n Voorbeeld daarvan is die sogenaamde swenkwalle in Robynlaan, wat lyk asof dit suksesvol is en dus waarskynlik ook op ander plekke in die dorp gebruik gaan word. Hopelik kan ons dus eendag by ’n punt uitkom waar spoedbeheermetodes wel toegepas word, maar op ’n manier wat voertuie nie so baie affekteer soos party van die huidige metodes nie.