Ons stem saam dat veiligheid op ons paaie uiters belangrik is, veral in gebiede waar kinders gereeld beweeg. Ons doen dus deurlopend analises om verskillende moontlike veranderinge aan die paaie te prioritiseer en ons sal die spoedwal by die swembad ook oorweeg vir moontlike toekomstige insluiting in ons begroting.

Ons beveel ook aan dat indien daar bv spesifieke tye is waarin spoedoortredings op 'n sekere plek opgemerk word, of as daar dalk gereelde oortreders is, dit by OVD aangemeld word, sodat ons kan monitor of daar sekere patrone is en dit in ag kan neem tydens besluitneming oor oplossings. Dit gebeur soms dat slegs enkele mense te vinnig ry op 'n sekere plek, omdat dit miskien op hulle daaglikse roete is en hulle dus so gewoond daaraan raak dat hulle nie so versigtig soos nodig is nie, in welke geval 'n vriendelike gesprek met die persoon heel waarskynlik die situasie dadelik sal oplos, selfs sonder dat 'n spoedwal ingesit word.