Stem reg van nie aandeelhouerss stipulasie

opmerkings

Stem reg van nie aandeelhouerss stipulasie

More Mnr van Wyk

Kan u asb vir my die bepaaling epos van regelasie aangaande die stem reg van nie aandeelhouers stipuleer.

Terugvoering

Dankie vir die vraag oor die kriteria vir nie-aandeelhouers om te kan stem vir 'n direkteur van OAB.

Onthou egter asb dat hierdie 'n anonieme forum is, so ons weet nie wie u is nie en kan dus ook nie, soos u versoek het, 'n e-pos aan u terugstuur nie. Ons kan egter wel die kriteria vir stemreg hier plaas, sodat dit hopelik u vrae beantwoord.

Ten einde aan die stemproses deel te neem, moet persone:

• vir ’n minimum van drie jaar aaneenlopend op OAB se aandeleblokskema-grondgebied woon;

• oor verblyfreg in Orania beskik;

• 18 jaar of ouer wees;

• nie ’n aandeelhouer van OAB wees nie; en

• vooraf geregistreer het om ’n direkteurskandidaat te kan nomineer of te kan stem.

U kan voortgaan daarmee om op hierdie anonieme forum met ons te gesels as u dit so verkies, maar indien u die aangeleentheid persoonlik of per e-pos wil bespreek, sal dit onvermydelik gepaardgaan daarmee dat u identiteit onthul word. Ons hoop dat u wel die vrymoedigheid sal neem om dit te doen. Ons gesels graag met alle Oraniërs, selfs (eintlik veral!) diegene met die sterkste kritiek teen die Dorpsraad, en niemand word benadeel daardeur as hulle ander opinies as die "owerheid" het nie.

Om ons te kontak kan u bv 'n e-pos stuur na inligting@myorania.co.za (waar die Dorpsraad se kommunikasiebeampte dit sal ontvang en soos nodig sal versprei aan ander kollegas) of kan u 'n boodskap los onder die "Kontak Ons" hofie op die Dorpsraad se webwerf.