Ons is nuwe intrekkers by Orania en was onder die indruk dat die dorp gefundeerd is op en bedryf word volgens Christenbeginsels.  Dit is hoe ons dit ervaar, veral met die leierskap van die verskeie instansies van die dorp.  Dit is hoe dit moet bly natuurlik. Onlangs het my vrou en seun op die dorpstennisbane gespeel en terwyl hulle speel het die studente in die nabygelee koshuis besluit om kliphard musiek te speel (en lustig saam te sing) wat onder andere lirieke bevat wat die P-woord en die F-woord insluit.  Dit het basies my vrou genoop om hulle goed op te pak en huis toe te gaan, met groot terleurstelling dat studente se ongemanierde optrede hulle weggedryf het.  Die feit dat studente enigsens dink sulke onbedagte optrede aanvaarbaar is (en dat daar geen seniors in die koshuis was wat dit blykbaar stopgesit het) is werklik teleurstellend. Dis 'n klad op die dorp se naam en as besoekers dit beleef gaan dit net sleg op die dorp se karakter reflekteer.  Ek verstaan mens kan nie almal se oprede en taalgebruik polisieer nie, maar sulke optrede van studente kan nie net gelos word sonder waarskuwings, hulle almal het tog deur die orientering gegaan en verstaan die dorp se karakter. Ons wil graag daardie dorpsfasiliteite gebruik, maar as my vrou na taal moet luister wat onder andere haar vroulikheid goedkoop maak, sal ons wegbly, en ek is seker ander ook, ons kan nie dat swak optrede van studente dit veroorsaak nie.