Ons stem saam dat ons klein volk, wat deur só 'n groot mag bedreig word, geen ander keuse het as om, in afhanklikheid van ons Almagtige God, saam te werk nie.

Die realiteit is egter dat daar meestal goeie redes is waarom prominente Afrikaner-organisasies soms 'n bietjie afstand tussen mekaar hou (soos wat baie van hul ondersteuners ongelukkig ook verkies), so dit is nie maklik om by 'n punt van goeie samewerking uit te kom nie, selfs al wil baie van ons dit graag sien gebeur. Ons voel daarom dat die belangrikste ding wat ons almal kan doen, is om tot die Here te bid dat Hy elke volksgenoot (insluitend die leiers) die wysheid sal gee om só op te tree dat Sy raadsplan in elkeen se lewe verwesenlik kan word. As dít gebeur, sal ons hele volk se toekoms natuurlik ook volgens Sy wil ontvou