AMPTELIKE AANSKAKELING VAN BATTERY

Geagte Aandeelhouers en Inwoners,

AMPTELIKE AANSKAKELING VAN BATTERY

Ons wil almal graag uitnooi om eerskomende Saterdag, 21 September, om 09:00 die amptelike seremoniële aanskakeling van Orasol se battery by te woon. Die Orania-gemeenskap is wettige aandeelhouers in die battery, so dit is ‘n vreugdevolle oomblik waarin almal kan deel om ons groeiende selfstandigheid en onafhanklikheid te vier!

Let asseblief op die volgende:

Tyd: 09:00 tot 10:00, 21 September 2024

Plek: Orasol-battery, Kareeboomrylaan (net ná Sandsteenstraat in die Nywerheidsgebied, naby die Eskom-substasie).

Geriewe: Daar sal ‘n beperkte aantal stoele verskaf word, maar inwoners kan ook opvoustoele bring om sitplek te verseker.

Onthou: Ons stel voor dat mense vloeistof, asook hoede of sambrele saambring, want die terrein is blootgestel aan direkte sonlig.

Ete: Daar gaan nie enige kos bedien word nie, maar die Plaasbraai, wat dieselfde aand vanaf 18:00 plaasvind, sal dien as die feestelikheid wat hiermee saamgaan. Kaartjies vir die Plaasbraai is beskikbaar teen Φ50 per volwassene en Φ30 per kind onder 12 (wat vleis en roosterkoek insluit) en is aanlyn beskikbaar by $ https://oraniakarnaval.co.za/product/plaasbraai/$ , of fisies by die poskantoor.

Vriendelike groete,

Burger Lambrechts

Orania Dorpsraad: Kommunikasiebeampte