GELEENTHEID OM FINANSIEEL BY ORASOL BETROKKE TE RAAK

128/2025

4 Julie 2025

Geagte Oraniërs,

GELEENTHEID OM FINANSIEEL BY ORASOL BETROKKE TE RAAK

Opsomming : Daar is weer ‘n geleentheid vir individue of instellings/maatskappye om finansieel by Orasol betrokke te raak.

Soos u reeds weet, is Orasol (‘n maatskappy waaruit geen individu of instelling enige wins maak nie) ‘n baie belangrike Orania-instelling, wat van kardinale belang is in ons langtermyn strewe om so selfstandig as moontlik te word. Dit maak ook ons lewens geriefliker wanneer daar beurtkrag of kragonderbrekings van ESKOM af is.

Belangstellendes sal onthou dat Orasol onder andere van privaat finansierders gebruik maak om ons infrastruktuur te ontwikkel tot waar dit nou is. Die Orania Aandeleblok, asook verskeie individue, privaat besighede en instellings, tel onder hierdie finansierders. As maatskappy toon ORASOL ‘n baie gesonde kontantvloei en bied ‘n aantreklike geleentheid vir nuwe finansierders wat nou betrokke wil raak.

Daar waar ons op die punt staan om ‘n ooreenkoms met ‘n groot buite-finansierder te sluit, maak dit sin om weer vir oulaas hierdie gunstige terme aan ons gemeenskap en ondersteuners te bied, ten einde soveel as moontlik van hierdie projek uit ons eie mense te finansier, want dan bly die finansieringskostes binne ons eie ekonomie, eerder as wat dit uitvloei na buite-entiteite toe.

Indien daar dus persone of instellings/maatskappye is wat tans van hierdie geleentheid wil gebruik maak, is u welkom om ‘n e-pos te stuur na janneman@myorania.co.za om meer besonderhede oor minimum bedrae en meegaande terme ens. te bespreek.

Vriendelike groete,

Riaan Jacobs

Uitvoerende Direkteur : ORASOL

U kan, soos altyd, die Dorpsraad oor enige onderwerp kontak deur die volgende skakel te volg : $ https://myorania.co.za/kontak-ons/

Indien u dit anoniem wil doen, kan u die Anonieme Forum op die myorania.co.za webwerf gebruik, deur die volgende skakel te volg – $ https://myorania.co.za/anonieme-voorstelle-opmerkings-of-klagtes/