GRONDGEBRUIK AANSOEKE VIR OAB OORWEGING – 20 FEBRUARIE 2026 SPERDATUM

006/2026

27 Januarie 2026

Geagte Oraniërs,

GRONDGEBRUIK AANSOEKE VIR OAB OORWEGING – 20 FEBRUARIE 2026 SPERDATUM

Opsomming : Enige grondgebruikaansoeke wat grensverskuiwings, konsolidasies of onderverdelings behels, moet asseblief die dorpskantoor bereik voor of op Vrydag, 20 Februarie 2026, om betyds te wees om in Mei deur die OAB se Spesiale Vergadering oorweeg te word.

Neem asseblief kennis daarvan dat die Orania Grondgebruiktribunaal se geskeduleerde vergadering van 25 Februarie 2026, die laaste geleentheid bied vir ingediende aansoeke vir grondgebruik om oorweeg te word, sodat dit in Mei goedgekeur kan word.

Indien die aansoeke grensverskuiwings, konsolidasies en onderverdelingsaansoeke van aandeelblokke behels, sal finale goedkeuring by Orania Aandeleblok (RF) (Edms) Bpk (OAB) se spesiale vergadering wat vir Mei 2025 geskeduleer is, geskied. Grondgebruikaansoeke behels ʼn proses waar dit eers by die Tribunaal oorweeg word en dan na OAB-direksie verwys word vir goedkeuring. Daarna is dit aan ‘n 21-dae-openbare deelnameproses onderhewig en dan word dit na die OAB se Spesiale Vergadering vir finale goedkeuring verwys.

Ons versoek dus dat grondgebruikaansoeke die dorpskantoor nie later as 20 Februarie 2026 bereik nie.

Vriendelike groete,

Cobus Pretorius
Hoof : Beplanning en Grondgebruik

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/