HERINNERING AAN SPERDATUM VAN AANSOEKE VIR GRONDGEBRUIK

Geagte Aandeelhouers en Inwoners,

HERINNERING AAN SPERDATUM VAN AANSOEKE VIR GRONDGEBRUIK

Opsomming : Onthou asb dat enige grondgebruikaansoeke wat grensverskuiwings, konsolidasies of onderverdelings behels, asseblief die dorpskantoor voor of op 24 Februarie 2025 moet bereik, sodat dit betyds is om in Mei deur die OAB se Spesiale Vergadering oorweeg te word.

Soos in Kennisgewing 003/2025 gekommunikeer is, moet belanghebbendes asseblief kennis neem daarvan dat die Orania Grondgebruiktribunaal (voorheen GGBK) se geskeduleerde vergadering van 28 Februarie 2025 die laaste geleentheid bied om aansoeke vir grondgebruik in te dien wat in Mei goedgekeur kan word.

Indien die aansoeke grensverskuiwings, konsolidasies en onderverdelingsaansoeke van aandeelblokke behels, sal finale goedkeuring by Orania Aandeleblok (RF) (Edms) Bpk (OAB) se spesiale vergadering wat vir Mei 2025 geskeduleer is, geskied. Grondgebruikaansoeke behels ʼn proses waar dit eers by die Tribunaal oorweeg word en dan na OAB-direksie verwys word vir goedkeuring. Daarna is dit aan ‘n 21-dae-openbare deelnameproses onderhewig en dan word dit na die OAB se Spesiale Vergadering vir finale goedkeuring verwys.

Ons versoek dus dat grondgebruikaansoeke die dorpskantoor nie later as 24 Februarie 2025 bereik nie.

Inwoners kan, soos altyd, die Dorpsraad kontak deur van die volgende skakel gebruik te maak:

https://myorania.co.za/kontak-ons/

Vriendelike groete,

Cobus Pretorius

Hoof: Beplanning en Grondgebruik