HOEK VAN ROBYNLAAN-OOS EN SAFFIERSTRAAT-OOS GAAN HIERDIE WEEK GESLUIT WEES

120/2025

30 Junie 2025

Geagte aandeelhouers en inwoners,

HOEK VAN ROBYNLAAN-OOS EN SAFFIERSTRAAT-OOS GAAN HIERDIE WEEK GESLUIT WEES

Opsomming: Die opgradering van die hoof-pomplyn gaan hierdie week deur die hoek van Robynlaan-Oos en Saffierstraat-Oos, so dit sal meestal nie oop wees vir verkeer nie.

Die afdeling Ingenieursdienste se werk aan Fase 2 van die opgradering van die nuwe pomplyn vanaf die rivier vorder steeds goed en gaan hierdie week deur die pad op die hoek van Robynlaan-Oos en Saffierstraat-Oos. Die pad sal vandag gedeeltelik gesluit wees en van môre af heeltemal.

Inwoners word aangeraai om die area te vermy indien moontlik, maar moet asb versigtig wees en let op die konstruksieborde en aangeduide ompaaie indien hulle wel daar naby moet beweeg.

Dankie vir u geduld en samewerking.

Vriendelike groete,

Andre van Heerden
Hoof: Ingenieursdienste

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/