HOUT VERSNIPPERING

017/2026

16 Februarie 2026

Geagte Oraniërs,

HOUT VERSNIPPERING

*Opsomming : Die Dorpsraad stel voor dat inwoners dit oorweeg om hul growwe tuinafval by H22 te laat versnipper en om slegs fyn tuinafval (grassnysels, blare, fyn takkies, ens.) by Orania se stortingsterrein af te laai.*

Ons herinner inwoners graag daaraan dat daar ’n privaat inisiatief in Orania is wat tuinafval versnipper. Dit is ’n uitstekende benutting van afvalplantmateriaal, wat met groot sukses in tuinbou gebruik kan word as bemesting of bedekking, en die Dorpsraad verwelkom hierdie inisiatief.

Die aandeelblok waar die tuinvullis gelewer kan word, is H22, wat langs die Rooipoort-ontwikkeling geleë is (die ingang is vanuit Diamantlaan). Neem asseblief kennis dat slegs growwe tuinvullis hier gelewer kan word. Fyn tuinvullis (grassnysels, blare, fyn takkies, ens.) moet steeds by die stortingsterrein afgelaai word vir die rehabilitasie daarvan.

Kontak gerus vir mnr. Claude Pretorius van H22 vir enige verdere navrae by 083 266 5540.

Vriendelike Groete,

Andre van Heerden

Hoof : Ingenieursdienste

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/

Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/