MENINGSOPNAME ONDER DIE HELE ORANIA-GEMEENSKAP

Geagte Aandeelhouers en Inwoners,

MENINGSOPNAME ONDER DIE HELE ORANIA-GEMEENSKAP

$ Opsomming: ’n Omvattende, anonieme meningsopname oor Orania word vanaf vandag gedoen en alle belanghebbendes (dus minstens almal wat in Orania woon) word versoek om dit voor 28 Februarie 2025 te voltooi.$ 

Die doel van die meningsopname is om almal die geleentheid te bied om anoniem hul opinies te lug en insette te lewer oor enige aspek van Orania.

Enigeen met internettoegang, selfs al is dit net op ’n selfoon, kan die opname maklik voltooi deur die onderstaande skakel te volg:

$ https://www.surveymonkey.com/r/9H9PN7X$ 

Daar is geen prente of video’s in die opname nie, so dit sal nie veel data gebruik nie.

Hierdie kennisgewing kan aangestuur word na ander persone, wat dan ook die skakel kan gebruik om die opname oop te maak en te voltooi, maar slegs een antwoord per persoon word toegelaat.

Dit is nie verpligtend om alle vrae in die opname te beantwoord nie, maar ons versoek asseblief dat soveel moontlik vrae voltooi word, want hoe meer antwoorde ons ontvang, hoe beter sal die data wees om ingeligte besluite te kan neem.

Dit word verkies dat die opname elektronies voltooi word, maar indien dit glad nie moontlik is nie, kan ’n hardekopie (op papier) by die Dorpskantoor verkry en voor die einde van Februarie ingehandig word.

Afhangend van die hoeveelheid mense wat aan die meningsopname deelneem, kan dit ’n tydjie neem om al die antwoorde te verwerk, maar sodra dit moontlik is, sal die gemeenskap terugvoer ontvang oor die uitslae.

Enige vrae oor hierdie meningsopname kan gestuur word na burger@myorania.co.za.

Vriendelike groete,

Burger Lambrechts

Orania Dorpsraad Kommunikasiebeampte