‘N STAATSDEPARTEMENT BESOEK ORANIA OP 27 MAART 2025 OM INSPEKSIES OOR MINIMUM LONE TE DOEN

Geagte Aandeelhouers en Inwoners,

‘N STAATSDEPARTEMENT BESOEK ORANIA OP 27 MAART 2025 OM INSPEKSIES OOR MINIMUM LONE TE DOEN

Opsomming : Die Departement van Indiensneming en Arbeid besoek Orania op 27 Maart 2025 om inspeksies te doen oor minimum lone.

As deel van ’n groter projek wat die hele jurisdiksie van die Petrusburg Arbeidsentrum dek (insluitend dorpe soos Jacobsdal, Koffiefontein, Fauresmith, Jagersfontein en Luckhoff), gaan hierdie Suid-Afrikaanse staatsdepartement die hele dag op 27 Maart in Orania spandeer.

Hierdie projek behels inspeksies by besighede en maatskappye in alle sektore, insluitend landbou, om voldoening aan die volgende wetgewing te ondersoek: Die Wet op Basiese Diensvoorwaardes, Die Wet op die Nasionale Minimumloon, Werkloosheidsversekering, Die Wet op Vergoeding vir Beroepsbeserings en -siektes, asook alle sektorbepalings.

Die inspekteurs sal deur OVD vergesel word en het die reg om enige besigheid te besoek om ondersoek in te stel na voldoening aan minimumloonwetgewing.

Vriendelike groete,

Gawie Snyman

Orania Dorpsraad – Uitvoerende Hoof

U kan, soos altyd, die Dorpsraad oor enige onderwerp kontak deur die volgende skakel te volg : $ https://myorania.co.za/kontak-ons/$ 

Indien u dit anoniem wil doen, kan u die Anonieme Forum op die myorania.co.za webwerf gebruik, deur die volgende skakel te volg – $ https://myorania.co.za/anonieme-voorstelle-opmerkings-of-klagtes/$