NUUS OOR SANRAL SE OPGRADERING VAN DIE R369

172/2025

8 September 2025

Geagte Oraniërs,

NUUS OOR SANRAL SE OPGRADERING VAN DIE R369

Opsomming : SANRAL se beplande totale opgradering van die R369 is uitgestel tot ongeveer 2028, maar intussen sal daar onderhoud gedoen word om dit veiliger te maak tussen Orania en Hopetown.

Tydens onlangse gesprekke met die Suid-Afrikaanse Nasionale Padagentskap Beperk (SANRAL) het hulle ons ingelig dat die beplande 2026-opgradering van die R369, vanaf Hopetown tot verby Petrusville, uitgestel is tot ongeveer 2028 (datum nog onbevestig). Die rede is dat hulle bevind het dat die bestaande onderbasis verbrokkel en dus ook vervang moet word, wat die projek baie duurder maak as wat aanvanklik bereken is.

Hulle gee egter toe dat die huidige toestand van die pad gevaarlik is, veral tussen Hopetown en Orania. Daarom het hulle noodfondse beskikbaar gestel om dit tydelik te herstel, sodat dit veiliger sal wees totdat die totale opgradering begin. Hierdie herstelwerk sal egter eers omstreeks November 2025 kan begin en mense moet die pad intussen met groot versigtigheid gebruik – veral saans, wanneer slaggate nie maklik sigbaar is nie.

Vriendelike groete,

Gawie Snyman
Uitvoerende Hoof

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/