OAB AJV OP 18 SEPTEMBER; OPENBARE KOMMENTAAR EN DEELNAME (FINANSIËLE STATE, AKTE VAN OPRIGTING EN GRONDGEBRUIKOOREENKOMS)

101/2026

12 Augustus 2026

Geagte Aandeelhouers,

OAB AJV OP 18 SEPTEMBER; OPENBARE KOMMENTAAR EN DEELNAME (FINANSIËLE STATE, AKTE VAN OPRIGTING EN GRONDGEBRUIKOOREENKOMS)

Opsomming: Met die opkomende Algemene Jaarvergadering (AJV) van OAB wat vir 18 September 2026 beplan word, moet aandeelhouers asseblief hiermee kennis neem van al die relevante finansiële state en van voorgestelde wysigings aan die Akte van Oprigting en aan die Grondgebruikooreenkoms, en moet opmerkings daaroor (indien van toepassing) ingedien word voor 24 Augustus 2026, sodat amptelike terugvoer daarop verkry kan word.

Alle OAB-aandeelhouers moet asseblief hiermee kennis neem van die Finansiële State vir die jaar geëindig 31 Desember 2025 t.o.v. die volgende entiteite:
– Orania Aandeleblok (RF) (Edms.) Bpk. – gekonsolideerd
– Orania Aandeleblok (RF) (Edms.) Bpk. – afsonderlik
– Orania Infrastruktuur (Edms.) Bpk. – afsonderlik
– Orania Veiligheidsdienste (Edms.) Bpk. – afsonderlik
– Orasol (Edms.) Bpk. – afsonderlik

Bovermelde state is reeds aan die onderskeie direksies voorgelê en goedgekeur.

Al die bogenoemde state kan besigtig en afgelaai word deur die volgende skakel te volg en die relevante dokument te kliek: – https://myorania.co.za/dokumente/

Hiermee word u geleentheid gegun om deur die state te werk en kommentaar daarop te lewer. Alle kommentare se terugvoer sal deur die afsonderlike direksies onder bespreking gebring word en terugvoer sal aan elke individu wat kommentaar gelewer het, gegee word. So sal die kommentare met elkeen se terugvoer in die stukke van die Algemene Jaarvergadering, wat gehou gaan word op 18 September 2026, saam met die getekende finansiële state ingebind word vir kennisname deur alle aandeelhouers.

Geliewe asb. terugvoer en kommentaar te lewer voor of op Maandag 24 Augustus 2026 om 12:00.

Skriftelike kommentaar hieroor kan gestuur word aan OAB se Hoof van Korporatiewe Dienste, Janneman Roux, by e-pos adres janneman@myorania.co.za .

VOORGESTELDE GEWYSIGDE AKTE VAN OPRIGTING EN GRONDGEBRUIKOOREENKOMS

Geliewe ook hiermee die volgende dokumente te ontvang rakende die voorgestelde wysigings aan die Akte van Oprigting asook die Grondgebruikooreenkoms:
– Memorandum tot die voorgestelde wysigings tot die Akte van Oprigting
– Voorgestelde gewysigde Akte van Oprigting
– Voorgestelde gewysigde Grondgebruikooreenkoms

Ook hierdie bogenoemde dokumente kan besigtig en afgelaai word deur die volgende skakel te volg en op die relevante dokument te kliek: – https://myorania.co.za/dokumente/

Skriftelike kommentaar hieroor kan gestuur word aan OAB se Maatskappysekretaris, Jacques van Wyk, by e-pos adres jacques@myorania.co.za, voor of op Maandag 24 Augustus 2026 om 12:00.

Oraniagroete,

Janneman Roux – Hoof: Korporatiewe Dienste en
Jacques van Wyk – Maatskappysekretaris

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/